"Сәт сапар саған, Жас түлек!" атты соңғы қоңырау

ІТ мектеп-лицейінде 3 маусым бекітілген жоспарға сәйкес жас түлектердің тәрбие мен білім нәрін бойына құйған алтын ұя мектебімен, әліппеден бастап өмір заңдарына дейін үйреткен ұстаздардың шәкірттерімен қоштасу мерекесі - «Birgemiz: Түлек 2020» атты Қазақстан Республикасының жалпы білім беру ұйымдарында Еріктілер жылына арналған «Сәт сапар саған, Жас түлек!» атты соңғы қоңырау, жалпы орта білім туралы аттестат тапсыру салтанатты сап түзеуі болып өтті. Іс-шара барысында мектеп-лицей директоры Балташева Айнагүл Қыдырбайқызы құттықтау сөз сөйлеп, 9 «Алтын белгі», 3 «Үздік аттестат» иелерін, 11 «А» және 11 «Ә» сынып түлектерін жалпы орта білім туралы аттестат, мақтау грамотасы мен алғыс хатпен марапаттады. Салтанатты іс-шараға ата-аналар атынан «Облыстық мамандандырылған балалар мен жасөспірімдер спорт мектебінің директоры, ҚР еңбек сіңірген жаттықтырушысы Молдагалиев Алимжан Кайратович пен ата-аналар комитетінің төрағасы Каппасов Жунусбек Токсанбаевич сөз алып, жас түлектерге ыстық лебіздерін білдіріп, ақ жол тілесе, сапалы білім мен саналы тәрбие берген ұстаздар қауымына ата-аналық алғыстарын жолдады. «Birgemiz: Түлек 2020» салтанатты шараның екінші кезеңі санитарлық нормаларды сақтай отырып, мектеп-лицей ауласын көркейтуге түлектердің оқу ордасына, қаласына деген сүйіспеншілігін арттыру мақсатында «Түлектер аллеясына» ата-аналардың бастамасымен ағаш отырғызу шарасымен жалғасын тапты.