Президент күні – мемлекет мерейі.

Президент күні – мемлекет мерейі.
Жаңа тәуелсіз мемлекеттің іргетасын қалаушы Нұрсұлтан Назарбаев – барлық қазақстандықтар және халықаралық қоғамдастық мойындаған ғаламдық бастамалардың бастаушысы, отандастарымыздың құқықтары мен бостандықтарының қорғаушысы, елді кемел келешекке жетелейтін игі істердің қолдаушысы.
Мемлекетті қалыптастырудың бастауында тұрған тұлғаны ұлықтау, егемен елдің іргетасын қалаған тұлғаны ардақтау әрбір қазақстандық азамат үшін парыз. Елбасына деген ел құрметін айрықша айғақтауға арналған бұл мерекенің - өз тағдырын өзі айқындауға алғашқы қадам жасаған жас Қазақстан үшін 1 желтоқсан- мемлекеттік тарихының мерейлі күні саналуға орны лайық.
Осыған орай мектеп-лицейімізде 1 желтоқсан – Тұңғыш Президент күніне арналған салтанатты мерекелік жиын болып өтті.
Мерекелік іс-шараның құрметті қонағы "Nur Otan" партиясының Ақмола облыстық филиалы төрағасының орынбасары Біржанов Азамат Дулатұлы лицей педагог қызметкерлерін мерейлі мерекемен құттықтады.
Жиын соңы лицейіміздің жас өнерпаздарының ұйымдастыруымен мерекелік концертке ұласып, көрерменге керемет көңіл күй сыйлады.
Осынау ел халқының бірлігі мен берекесін ұлықтап, мемлекеттің мерейін асыратын мереке күні Сіздерге зор денсаулық, отбасыларыңызға бақ пен береке, игілік пен табыс, шаңырақтарыңызға шаттық тілейміз! Мемлекетімізге одан әрі өрлеу мен өркендеу, әрбір қазақстандыққа – мол табыс, бақ-дәулет тілейміз!