XI Халықаралық конференция

#Repost @uebp_ao

Көкшетаудың жас мұғалімі Халықаралық конференцияда өз тәжірибесімен бөлісті. XI Халықаралық конференция 2019 ж. 24-25 қазан аралығында Нұр-Сұлтан қаласында өтті. «Назарбаев Зияткерлік мектептері» дербес білім беру ұйымы ұйымдастырған конференцияның тақырыбы «Мектеп әлемін өзгертетін-ұстаздар», себебі, биыл мемлекет тарапынан ұстаз мәртебесіне үлкен көңіл бөлініп отыр. Конференцияға 2 мыңнан аса адам қатысты. Ол еліміздің түкпір түкпірінен келген ұстаздар, ғалымдар, білім беру ұйымдарының басшылары, сонымен қатар Түркия, АҚШ, Ресей, Сингапур, Израиль, Франция, Қытай, Ұлыбритания, Норвегия, жалпы 20 мемлекеттің өкілдері қатысты. Асылбек Толғанай Талғатқызы, Кокшетау қаласындағы IT мектеп-лицейінің биология пәні мұғалімі.
Конференцияны еліміздің мұғалімдері ашып, 3 бағытты қамтыды.
1. «Почему я стал учителем» - баяндамашылар: Асхат Жумабеков, НИШ, Семей қаласы; Асылбек Толғанай, IT мектеп-лицейі, Көкшетау қаласы.
2. «Каждый ребенок одарен и уникален» - баяндамашылар: Сергей Полянских, НИШ, Талдыкорган қаласы; Майкл Малутши, НИШ, Актау қаласы.
3. «Почему я продолжаю работать учителем» - Нуржанова Карлыгаш, Зерде мектебі, Нұр-сұлтан қаласы. «Мен жас маманмын және бұндай ауқымды іс-шараға қатысу мен үшін үлкен мәртебе. Себебі мен туған жерімді, мектебімді, Көкшетауды таныстырудамын. Мен өз мамандығымды жақсы көремін және болашақта мықты ұстаз болу үшін бар күш жігерімді саламын» деп айтты Толғанай Асылбек өз сөзінде, Республикалық жас мамандар байқауының 2 ші орын иегері.
Конференцияда дүние жүзі мұғалімдерін толғандаратын мәселелер талқыланып, көптеген сұрақтар жауабын алды. Мысалы, мұғалім-оқушы серіктестігі, жаһандық құзіреттілік, мұғалімдердің үздіксіз білім алуы, білім мазмұны мен бағалау, қолайлы білім беру ортасын құру, эмоционалды зияткерлікті дамыту және т.б өзекті тақырыптар қамтылды.
Еліміздің қонақтары шебер сынып өткізіп, өз тәжірибелерімен бөлісті.