“Қазақстан халқына” қоғамдық әлеуметтік қорының құрылуы

Мемлекет басшысы Қасым-Жомарт Тоқаевтың тапсырмасымен «Қазақстан халқына» қоғамдық әлеуметтік қоры құрылды.
«Қазақстан халқына» әлеуметтік қорының негізгі міндеттері - Қазақстан Республикасының халқына денсаулық сақтау, білім беру және әлеуметтік қолдау, мәдениет және спорт салаларында мемлекеттік қолдау шараларынан тыс қосымша қамтамасыз ету мәселелері бойынша қайырымдылық көмек көрсету болып табылмақ.
Қазақстандықтарға қаржылай көмек көрсету  мақсатында құрылып отырған аталмыш қор еліміздегі біршама отбасының тұрмыстық жағдайына оң ықпал ететіні  анық.
Президент Қасым-Жомарт Тоқаев мұғалім тапшы өңірлердің мәселесін шешудің жаңа тәсілін ұсынды. «Сапалы білімге қолжетімділікті арттыру сөзсіз басым бағыт болып табылады. Бұл – бүкіл қоғам дамуының аса маңызды факторы. Біз мектептерді қалай материалдық жағынан қамтамасыз етсек те, білім сапасын жақсы мұғалімдерсіз көтеру мүмкін емес», – деді Қасым-Жомарт Тоқаев ҚР Парламенті Мәжілісінің отырысында.
Сондай-ақ, ол мұғалім тапшы өңірлерге үздік педагогтарды тартудың жаңа тәсілін ұсынды.
Барлығын алаңдататыны – бүкіл Қазақстан халқының амандығы. Ал олардың барлығының мақсаты бір – ортақ Отанымыздың гүлденуі. Бұл біздің жетістігіміз, ортақ мақтанышымыз.Қордың құрылғанына қуаныштымын, қолдаймын.
 
Әл-Фараби атындағы ІТ лицей директоры А.Б. Кошанова