
Құрметті ата-аналар!
2025–2026 оқу жылының аяқталуы және қорытынды аттестаттау кезеңіне байланысты келесі талаптарды назарларыңызға ұсынамыз:
📌 Жалпы мектеп сыныптарында (оның ішінде 1, 4, 9 және 11-сыныптарда) мектеп-лицей қажеттілігіне ақша жинауға;
📌 Аниматорлар, студиялар мен агенттіктерді шақыруға;
📌 Мектеп әкімшілігі мен мұғалімдерге бағалы сыйлықтар беру мақсатында ата-аналар мен оқушылардан қаражат жинауға;
📌 Мектептің ішкі жөндеу жұмыстарына қажетті заттарды сатып алу үшін білім алушылардан ақша жинауға немесе оларды жұмысқа тартуға;
📌 Оқушылардың автокөлік шеруіне қатысуына, ойын-сауық орындарына, мейрамханалар мен саябақтарға баруына;
📌 Қорытынды аттестаттау емтихандары кезінде білім ордасында мерекелік дастархан ұйымдастыруға қатаң тыйым салынады.
📌 Сонымен қатар түлектерге арналған іс-шара мектептің ішкі еңбек тәртібі мен қауіпсіздік ережелеріне сәйкес мектеп-лицей (акт залы) аумағында өткізіледі.
Аталған шектеулер сыбайлас жемқорлықтың алдын алу, педагогикалық әдеп пен академиялық адалдықты сақтау, сондай-ақ білім алушылардың өмір қауіпсіздігі мен құқықтарын қорғау мақсатында енгізілген.
Құрметті ата-аналар!
Сіздерден жоғарыда көрсетілген талаптарға түсіністік танытып, оқушылардың денсаулығы мен өмір қауіпсіздігіне жауапкершілікпен қарауларыңызды сұраймыз. Сіздердің қолдауларыңыз бен сенімдеріңіз біз үшін маңызды.
Құрметпен, мектеп-лицей әкімшілігі!